你的中學生活是否很chur、很苦悶,覺得自己很「摺」?我的搏盡中學生活是怎樣的?

牛頭角

牛頭角

一篇教你「嘥時間」嘅廢文

知識有無分貴賤? 學習嘅媒介嘅地位又有無高低?聽歌、睇電影、睇小說係咪就係嘥時間、荒廢學業、蹉跎歲月? 係咪將時間投放喺睇書、Ted talk、資訊節目先算得上有價值?

21世紀喺香港寫一篇文,最重要當然係戴左頭盔先,本人立場並不代表任何人立場,有時甚至唔代表自己立場,呢篇廢文一字一句並無科學、文學、哲學、天文學…正確知識或基礎。 

 

電影係一本書,可以係童話/圖畫/神話書,講到尾就係一本故事書;生活可以有樂事/憾事/傷心事,講到尾其實都係故事。知識,可以微觀,可以宏觀,探索空間,穿越時空,講到尾其實就係距離。保持距離,能先令到人觀察、學習、吸收。

(係咪開始有啲似考評局出嘅作文題目—生活是XxY)

撈埋呢三樣嘢,得出嘅結論就係電影講生活故事嘅史詩,睇嘅人可以用抽離嘅角度審視、所賞生活嘅本身,雖抽離但同時又投入角色嘅感受同經歷。令人投入嘅原因可以好單純,就係我哋都係人。每個人嘅經歷可以大相逕庭,人嘅地位可以有高有低,人品可以有貴有賤,但係人性總係相似。咁究竟呢啲可唔可以算得上係知識?答案因人而異,但係好肯定電影音樂呢一啲講故事嘅媒介,所帶來嘅價值絕對值得花時間品味。

一套Joker,可以單純被理解成一個變態殺人犯嘅故事,同時又可以從政治、哲學、社會科學等角度深入解讀同賞識(詳細可以自己搵影評同解讀,非常值得一看),令人反思現今文明社會的光鮮究竟犧牲咗幾多人嘅尊嚴。一套電影,放大左一個社會齒輪甚至係微塵,佢哋嘅經歷同埋心路歷程,打破咗呢個世界將一個人嘅存在,量化又或者工具化嘅常態,話俾呢個世界聽,睇一個人唔係淨係要睇佢生產到幾多,或者佢對社會嘅價值 。但就憑佢係一個人,佢存在係呢個世界上,就已經有佢嘅價值,佢嘅感想同埋經歷就值得我同你花時間同耐性明白同體諒。咁多年來嘅觀影經驗話俾我聽一樣野:每一個人無論背景、地位、十惡不赦,佢背後肯定有個精彩嘅故事,值得被人明白,亦能夠被其他人明白,原因都係嗰個:單純地佢係一個人。標籤、階層、職業種種不同背後,其實係一個人。

 

咁歌呢?聽音樂、聽流行曲、肯定無益啦!簡直係嘥時間,好心就用嗰啲時間聽BBC News啦!

 

不解釋,自己睇翻 BBC News

https://www.google.com/amp/s/www.bbc.co.uk/news/amp/world-europe-39429032

一個獎唔可以斷定歌詞、流行曲、音樂嘅價值同地位,更加唔應該亦唔能夠攞嚟用黎說服人聽歌、欣賞音樂唔係一件浪費時間嘅事情。(又戴頭盔)

我只能話:一樣野係咪浪費時間,係睇你對待佢嘅心態,又或者你夠唔夠敏銳。夠敏銳嘅話,無所事事一個晏晝、攤係張床度,都可以有無限嘅感想同埋靈感。只要你對生活敏感、樂於感受,每一首歌、每一條廢片、每一套劇、每一套電影都能令到你嘅生活更有質感。

 

Share this post